PR - 30.07.24

Is-silenzju jtarrax ta’ Miriam Dalli hu prova oħra tal-inkompetenza tagħha

Fid-dawl tal-akkużi fil-Qorti kontra l-Kap Eżekuttiv tal-WasteServ Richard Bilocca, fosthom qtil involontarju, il-Partit Nazzjonalista jqis li l-pożizzjoni tiegħu m’għadhiex tenibbli u għandu jirriżenja jew jitneħħa minnufih. Ir-responsabbiltà aħħarija għat-tneħħija hi tal-Ministru Miriam Dalli. Is-silenzju jtarrax min-naħa tal-Ministru hu prova oħra tal-inkompetenza tagħha.

Is-severità tal-każ u l-akkużi, li joħorġu minn inċident traġiku li rriżulta f’fatalità ta’ ħaddiem tal-WasteServ waqt li kien qed jaħdem f’impjant tal-awtorità, jitfgħu dell ikrah fuq il-kredibbiltà tiegħu. Dan ifisser li l-Kap Eżekuttiv ma jistax ikompli jaqdi dmiru b’mod denju.

Ir-responsabbiltà baqgħet ma ntrefgħetx anke wara li l-Inkjesta Maġisterjali kienet sabet nuqqasijiet u rrakkomandat li jittieħdu passi kriminali.

Rebekah Borg

Shadow Minister għall-Ambjent