PR - 17.08.24

Il-Gvern għandu jkun trasparenti dwar is-sitwazzjoni ambjentali fl-ibħra Maltin

Il-Partit Nazzjonalista jappella lill-Awtorità għall-Ambjent u r-Riżorsi (ERA) biex tagħmel pubbliku r-riżultati tal-investigazzjoni tagħha dwar il-ħama fil-baħar ta’ Ħondoq ir-Rummien. L-ERA għandha tiddentifika s-sors tal-kontaminazzjoni, u jiġu stabbiliti miżuri effettivi biex jipprevjenu inċidenti bħal dawn fil-futur.

Il-prijorità tal-Partit Nazzjonalista hija li kontaminazzjoni ta’ din ix-xorta titwaqqaf mis-sors, biex jitnaqqsu r-riskji ambjentali u tiġi mħarsa s-saħħa ta’ dawk kollha li jiffrekwentaw il-bajja. 

L-istess sentiment ma japplikax biss għal Ħondoq ir-Rummien, għaliex dan mhuwiex każ iżolat ta’ kontaminazzjoni. Id-diversi istanzi riċenti ta’ kontaminazzjoni fl-ibħra Maltin eskala tħassib mill-pubbliku, li jimmerita trasparenza akbar rigward l-impatt ambjentali u r-riskji potenzjali.

Rebekah Borg

Shadow Minister għall-Ambjent

Alex Borg

Shadow Minister għal Għawdex