PR - 12.01.23

GRAZZI GĦALL-PN, IL-GVERN REĠĠA’ LURA PROPOSTI LI KIENU JNAQQSU S-SERVIZZI OFFRUTI FL-UNIKU SPTAR PUBBLIKU TAL-ANNIMALI.

Wara li l-Partit Nazzjonalista nsista li s-servizzi mogħtija lil annimali stray fl-uniku Sptar pubbliku tal-Annimali li għandna m’għandomx jitnaqsu, il-Gvern ta’ Robert Abela se jirrevedi l-proposta li ressaq.

Bil-proposta li ressaq il-Gvern fil-Parlament, irid li jinbidlu jew jitneħħew numru ta’ obbligi li l-kuntrattur tal-Isptar għandu fil-konfront tal-pubbliku. B’hekk, il-Gvern Laburista ried li jmur pass lura fis-servizz offrut mill-uniku Sptar pubbliku tal-Annimali, li jinsab f’Ta’ Qali.

Il-Partit Nazzjonalista baqa’ jinsisti li mhux aċċettabbli li tintuża’ l-iskuża ta’ nuqqas ta’ fondi biex il-Gvern jabdika mir-responsabbiltà li l-Istat jieħu ħsieb l-annimali u li dawn jingħataw servizz ta’ saħħa kif xieraq, partikolarment meta tqis l-ammonti ta’ flus li ta’ kull sena jkunu sparpaljati f’affarijiet oħrajn mill-Gvern.

Minflok, il-Partit Nazzjonalista jappella li din l-opportunità sservi biex iż-żewġ naħat tal-Kamra jaħdmu flimkien biex ikun żgurat li l-benesseri tal-annimali ma jkunux kompromessi. Għandu jirrenja s-sens komuni biex l-annimali stray f’pajjiżna jkunu jistgħu jiġu trattati kif jixirqilhom.

Darren Carabott

Membru tal-Kumitat Permanenti dwar il-Kontijiet tal-Uffiċċju Nazzjonali tal-Verifika

Rebekah Borg

Membru tal-Kumitat Permanenti dwar il-Kontijiet tal-Uffiċċju Nazzjonali tal-Verifika

Graham Bencini

Membru tal-Kumitat Permanenti dwar il-Kontijiet tal-Uffiċċju Nazzjonali tal-Verifika

Janice Chetcuti

Kelliem għad-Drittijiet tal-Annimali, l-Ambjent u l-Ħolqien ta’ Spazji Ġodda